تقليد جبن الموزاريلا

[متعب السعيد]

زملائي أعضاء ومشرفون منتدي زراعه نت السلام عليكم ورحمة الله وبركاته كان فيه سؤال دايماً كنت بسأله ماهو الفرق بين الموزاريلا اللي سعرها 35 جنيه والموزاريلا اللي سعرها 25 جنيه وسألت ناس كتير وكانت أكثر إجابتهم ان الموزاريلا اللي سعرها 35 جنيه تصنع من لبن نظيف والعكس بس انا لم أقتنع بالرد ده فبحثت وكانت نتيجة بحثي ان هناك موزاريلا مقلده أو Imitation mozzarela وهي عباره عن خليط بنسب معينه من اللبن البودره والزيت النباتي والمثبتات والمستحلبات والماء اما ماهى انواع المثبتات والمستحلبات وماهى نسبها فلم أتوصل اليه فأرجو من لديه اع معلومه عن هذا النوع من الجبن إفادتي ولكم مني جزيل الشكر

مواضيع مشابهة:

• بخصوص الجبنة الموزاريلا
• الجبن الموزاريلا
• بخصوص صناعة الموزاريلا
• الموزاريلا المطعمة
• فن تقليد الطبيعة

[م- عمرو نجيب]

[متعب السعيد]

زميلي المهندس عمرو انا عارف الفيديو ده وشوفتوا كتير بس اللي مش عارف أوصله ماهو ملح الأستحلاب المستخدم وماهو نوع المثبت

[م- عمرو نجيب]

أنا عاوز أسالك عن شيئ هام هيفيد مصنعك اية لما تعرف نوع ملح الاستحلاب !!! و الشركات الكبيرة اللي بتعمل المنتجات دي مستحيل تقولك دي اسرار وفلوس وبراة أختراع ممكن تجرب زي مانت عاوز بس نصيحة متصعبش الامور علي نفسك كتير الخلطات دائما متغيرة حسب اسعار المواد الخام وتوافرها
الفكرة اللى انت كمنتج لابد أن تهتم بها جدا شوف البري مكس أشتغل بية و أدرس خواصة على الخط وبعد الانتاج وصفات المنتج على البيتزا هل أثر في حرارة التسوية هل سبب حروق او تعجين أو فروق في اللون وكمان شوف تكاليف الانتاج وسعة الخطوط والسوق بتاعك يتقبلة ازاي ....متحبسش نفسك في المعمل يا عزيزي

- - - تم التحديث - - -

عموما يا صديقى و بالبلدي نوعية الجبنة اللى تقصدها أسمها العام analoogue cheeses وتحتها Imitation mozzarela يعنى المشابهة أو المقلدة والاولى بتكون بدهن طبيهي والثانية نباتى

ونسبة الماء فيها من 60 :55
وتعتمد في الاساس على 4 أنواع من الكازين سواء منفردة أو تباديل وتوافيق sodium caseinate,calcium caseinate,acid casein and rennet casein
ويفضل عدم خلط أي نوع مع الاخيرة
لا بد أن تلاحظ يا عزيزي أن الموتزيريلا عبارة عن كازينات كالسيوم وكازينات صوديوم فى الاساس( كازينات الصوديوم ناتجة عن تبادل أيوني خلال التمليح )
طبعا مصدر الدهن وعشان التكاليف خلية نباتى
المثبت المدعم فية أساسا جوار وكاراجين ونشا نادرا ما تجد LBG صمغ الخروب لان السعر تضاعف 10 مرات عن العام الماضى

املاح الاستحلاب
تراي صوديوم سترات وداي صوديوم فوسفات
طبعا نسبة من كلوريد الكلسيوم وملح الطعام لضبط ميزان الكلسيوم والصوديوم

الجبنة الطبيعية يا عزيزي اي جبنة طبيعية بتعريف بسيط عبارة عن كازينات كالسيوم مملحة ومنضجة

[متعب السعيد]

عزيزي المهندس عمرو نجيب انا شاكرا جدا جدا جدا لهذه المعلومات اللي كان نفسي أعرفها واللي فتحتلي حاجات كتير بس الفكره ان انا اعرف ان انا بحب التجديد والبحث عن الحاجات الغريبه بس ياريت لو حضرتك تقولي لو انا عايز اجيب الخلطه دي اجيبها منين وتكليفتها كام وعشان حضرتك تبقي عارف ده مش لغرض صناعي لكن عشان التعلم فقط لا غير

[osmasn2]

م/ عمرو
كيف أحوالك نشكرك على تواصلك الدائم فى المنتدى و لو أن بعض الأعضاء مقصريين و أنا منهم
معلومة أن كنت فى سيرتك الجميلة مع حسن يسرى من كام يوم انت أخبارك اي
بخصوص المزاريلا التقليد ما هو رأيك فى النشا المعدل +كازينات+S4 أرجو التواصل
وهل أنت فى مصر ام أجازة

[م- عمرو نجيب]

أبعتلى تلفونك على الخاص .. انا نازل مصر يوم 17 اكتوبر وماشي يوم 25 نفس الشهر

[متعب السعيد]

عزيزي المهندس عمرو انت وضحتلي مكونات تقليد الموتزاريلا بس موضحتليش نسب الإضافه عشان زي محضرتك عارف المكونات وحدها مش كفايه لإستخدامها في عمل رساله علميه عن هذا الموضوع

[م- عمرو نجيب]

[haz84ha]

م. عمرو الفديو جيد تسلم اديك ...... جزاك الله خير

[osmasn2]

مهنس عمرو
انا فى انتظار وصولك مصر بسلامة الله
على فكرة صنعت جبنة موزاريلا نباتى ممتازة بسعر تكلفة 18.5جنيه للكيلو وبدأت التسويق الفعلى
هى تعتبر انلوج بس بالعكس و بدون حلة طبخ وتلفونى 01118370752

[م- عمرو نجيب]

أن رجعت تانى دبي يا جميل ... مين قال انها محتاجة حلة طبخ

[osmasn2]

ترجع بالف سلامة سالم غانم

على فكرة هى فيها ميزة و فى نفس الوقت عيب بتسيح بسرعة وبتخرج من البيتزا
و فى وجهة نظرى زيادة نسبة الفوسفات المنحل عن نسبة الكالسيوم فى المادة الصلبة

[helmi]

السلام عليكم
ممكن تساعدوني علي تصنيع خلطة موزاريلا صناعية
ولكم جزيل الشكر

[jako]

فعلا هذا سؤال محيرني وارجوا لو توصلت لاي معلومة ان لا تبخل بها علي ولك جزيل الشكر